भारतातल्या धर्म आणि संगीताच्या सुरेल ताण्याबाण्याचं ऐश्वर्य अधोरेखित करणाऱ्या धर्मसंगीताचे आख्यान या पुस्तकात आहे. पुस्तकातले पहिले सात लेख हे धर्मसंगीताची सैद्धांतिक बाजू स्पष्ट करणारे आहेत, तर पुढील सात लेख हे विशिष्ट धर्म, संप्रदाय यातील संगीताचं वर्णन करणारे आहेत. विषय समजावून देताना ज्या गीतांचा, संगीताचा उल्लेख त्यांनी केला आहे त्यांचे QR कोड पुस्तकात त्या त्या ठिकाणी केले आहेत. ते स्कॅन करून वाचकांना ती गीतं, संगीत यांचा प्रत्यक्ष आस्वाद घेता येतो.
